Bacallau

O bacallau (Gadus morhua) é o membro da familia Gadidae máis amplamente distribuído. Existen gran cantidade de variedades e especies deste produto.

Vive nos mares fríos e tépedos do norte. Vive entre os 4 e 6 graos de temperatura. É un depredador voraz que se alimenta de zooplancton, vermes, moluscos, crustáceos e de peixes coma arenques e anguías. Atópase en leitos mariños lodosos, areosos ou de grava miúda. O bacallau é apreciado pola súa carne e polo aceite do seu fígado. O bacallau seco permitiu durante séculos a numerosas poboacións continentais europeas dispoñer de reservas proteínicas. De feito moitas das viaxes dos navegantes ibéricos non serían posibles sen contar con este produto.

O bacallau péscase ao arrastre, con cerco, con redes de deriva de fondo, e palangres.