Toleamos sen máis iniciouse no curso 2016/ 2017. Foi unha proposta do alumnado xurdida dunha necesidade económica: a de xuntar fondos para poder realizar a viaxe de fin de curso que ata o momento non se puidera realizar.

Dende entón, o restaurante consolidouse coma un dos proxectos educativos do noso centro que máis identidade nos aporta e que consegue xuntar o interese por aprender coa enorme paixón que o alumnado e o profesorado pon neste proxecto.

Deste xeito, no restaurante Toleamos participa o alumnado, as familias, o profesorado e toda a comunidade educativa. E dun xeito especial, TI, que coa túa presenza dotas de realidade este proxecto educativo.

GRAZAS POLA TÚA PARTICIPACIÓN!!!!

O restaurante